Главните стратешки проекти од долгорочен интерес за градот и општината бараат многу време, ресурси, јавни дебати и широк консензус помеѓу политичките партии но и граѓаните. Ваквите проекти тешко дека би се завршиле во еден градоначалнички мандат и затоа градоначалниците се занимаваат со „крпи-залепи“ проекти со цел евтино да ги купат гласачите до следните избори а притоа без да влезат во ризици од незавршување на проектот, собирање на политички поени од опозицијата и незадоволни граѓани.

За проекти кај кои може да се јават недоразбирања, незадоволни групи на граѓани, интересни групи, кај осетливи проекти, различни приоритети, различни пристапи при спроведување и сл. мора да постои консензус. Вакви проекти биле и ќе бидат: „Затворање на едносмерната за сообраќај“, „Дислокација на администрацијата од  центарот на градот“, „Изградба на нов Бизнис и Административен центар“, „Дислокација на стадионот“, „Дислокација на автобуската“, „Дислокација на дивата ромска населба на крајот на партизанска“, „Трајно решавање на проблемот со кучињата скитници“, „Работење/затворање на зоолошката градина“ итн.

За да се постигне ваквиот политички консензус потребно е пред избори, главните политички чинители да седнат на маса и да потпишат договор дека во рок од една година ќе донесат консензус по сите клучни стратешки прашања за градот. Бидејќи политичките партии тешко се договараат и имаат различни ставови кога се во опозиција и на власт „Порталот за Идеи“, пренесен под ингеренции за општината значително ќе помогне да се испеглаат ставовите на политичките партии бидејќи главниот збор за проектите и приоритетите ќе може да го имаат граѓаните.

Буџет: 0 (нула) денари

Рок: Предизборно обврзување – Веднаш, Постигање консензус – 1 година

Предлагач: Златко Бежовски