Во текот на месец септември, Институтот за истражување и анализа на политики – Ромалитико, Скопје заедно со мобилизаторот на заедницата во општина Штип Хусеин Еминов, спроведе три фокус групи каде беа вклучени претставници на локалното население со цел да се идентификуваат приоритетите на ромската заедница во областа на образование, вработување, домување, здравство и жената Ромка, како и да се идентификуваат актуелни локални потреби, проблеми и предлози на Ромите. Во таа насока и во консултација со ромската заедница од општина Штип, произлегоа горенаведените барања со цел истите да се вклучат во предлог буџетот на општината за 2022 година. Во разговор со месното население од улица Панко Брашнаров, Широк Дол и населбата Черења, инфраструктурните проблеми, особено со локалните патишта се врвен приоритет. Имајќи ги во предвид временските услови во есенскиот и зимскиот период, горенаведените улици не се асфалтирани, при што локалното население мора да се движи низ кал, додека децата од тие населби најчесто не ја посетуваат наставата поради овие услови. Дополнително при обилни дождови атмосферската вода се влева во куќите наместо во канализацијата. Од таа причина месното население со повеќе од 20 домаќинства бараат да се изгради решетка на патот каде водата директно ќе влегува во канализационата мрежа и на тој начин ќе се заштитат куќите од влага. На истата улица постои крак кој не е асфалтиран/бетониран и на истиот нема поставено канализација.

Предлагач: Хусеин Еминов