Рак рана на секоја општина е гломазната и неефикасна администрација. Освен неефикасноста администрацијата голта и огромни средства од буџетот. За ваквата состојба граѓаните ги обвинуваат политичките партии иако ваквиот проблем е и социјален бидејќи тешко се менаџираат последиците од евентуални отпуштања.

Реформите на администрацијата може да бидат болни но некогаш мора да се почне. Овој проект, за да има полна смисла и реална остварливост треба да се решава долгорочно и со консензус на сите партии вклуени во советот. Овој консензус најдобро е да се потпише пред избори бидејќи по изборите партијата со мнозинство ќе нема интерес/волја/капацитет нити ќе потпише таков консензус.

Меката реформа на администрацијата треба да се одвива во неколку фази:

1. Мораториум за вработувања до донесување на стратегија и план за вработувања

2. Стратегија и долгорочен план за кадровска политика

3. Мапирање на тесните грла и дефинирање на момнетално потребни кадри

4. Вработување на потребни кадри (дефинирани во студијата, преку јавен и транспарентен процес -дигитална општина)

5. Реорганизирање (преквалифилкација, предвремено пензионирање, соработка со бизнисот, спин-оф бизниси итн)

6. Следење на долгорочниот план за вработување зависно потребите

Подносител: Доц Д-р Златко Бежовски